የህግ ኮሌጅ በሐረሪ ክልል ለሚገኙ ባለድርሻ አካላት በሴቶችና ህጻናት መብት ላይ ስልጠና ሰጠ፡፡

 

የሐረሪ ክልል የሴቶች ፣ ህጻትና ወጣቶች ቢሮ በ2009 ዓ.ም በክልሉ ከሚገኙ ባለድርሻ አካላት ጋር በጋራ በመሆን በሴቶችና ህጻናት መብት አጠባበቅ ላይ በስፋት ለመስራት እንዲያስችለው ለሶስት ቀናት ከክልሉ ከተለያዩ ቢሮዎች ለተውጣጡ አርባ አምስት ባለሞያዎች ስልጠና ሰጥቷል ፡፡
ስልጠናው በዋነኛነት በሴቶችና ህጻናት መብቶች ዙሪያ ዓለም አቀፍ ፣ አህጉራዊና አገራዊ የሆኑ ህጎች ድንጋጌዎች መሰረት የተሰጠ ሲሆን ከህጉ አንጻርም በተግባር ያሉ ሁኔታዎች ምን እንደሚመስሉ ከባለድርሻ አካላት ጋር ውይይት ተደርጓል ፡፡

1

 

በስልጠናው ላይ በአስተባባሪነትና በአስልጣኝነት የተሳተፉት የህግ ኮሌጅ መምህር አቶ ዳዊት በሪሁን ስልጠናውን አስመልክተው እንደገለጹት የሐረማያ ዩኒቨርሲቲ በ2008 ዓ.ም ከሐረሪ ክልል የሴቶች ፣ ህጻናትና ወጣቶች ቢሮ ጋር ስምምነት በመፈጸም በሴቶችና ህጻናት ዙሪያ ለሚነሱ ጉዳዮች የህግ ድጋፍ ለመስጠት አንድ ቢሮ ተረክቦ ወደ ስራ የገባ ሲሆን ከዚህም በተጨማሪ ቀጣይነት ያላቸው የህግ ግንዛቤ ማስጨበጫ ስልጠናዎችን ከቢሮው ጋር በጋራ ለመስጠት ስምምነት መፈጸሙንም ተናግረዋል ፡፡ ስልጠናውም የዚሁ ስምምነት አካል እንደሆነና በቀጣይም የህግ ኮሌጁ ከቢሮው ጋር በጋራ በመሆን የሴቶችና ህጻናት መብቶች እንዲከበሩ የተለያዩ ስልጠናዎችን በመስጠት እንደሚሰራ ገልጸዋል ፡፡

2

የስልጠናው ተካፋይ ሲስተር ጸሀይ ወርቅአለማሁ በበኩላቸው እንደተናገሩት ስልጠናው አገራዊ እና ዓለም አቀፋዊ ህጎች ለሴቶችና ህጻናት የሚሰጡትን መብትና የመንግስት አካላትም መብቶቹን ለማስከበር ያለባቸውን ሀላፊነት በተመለከተ ሰፊ ትምህርት እንዳገኙ ገልጸው ይህን መሰል ስልጠና አስፈጻሚ አካላት በትግበራ ያሉ ችግሮችን ለመቅረፍ ለሚሰሩት ስራ አቅም የሚፈጥር በመሆኑ ወደ ፊት ተጠናክሮ ሊቀጥል እንደሚገባው ተናግረዋል ፡፡

3

Leave a Reply

Your email address will not be published.

HTML tags are not allowed.